90後女性：高功能焦慮

90後嘅你 , 感覺生活過得繃緊嗎 ?你總係特別容易對自己要求好高。好多事情，你未必會講出口。可能係工作上一直保持專業；可能係關係入面習慣照顧別人感受；又或者，只係已經太習慣做一個「可靠」嘅人。久而久之，唔知由幾時開始，連攰都變成一種自然嘅狀態。明明每日都已經處理緊好多事，但仲係會覺得自己做得未夠好。有時最累嘅，未必係工作本身。而係你長期都處於一種「唔可以停低」嘅狀態。你一直都要兼顧好多身份，員工、伴侶、媽媽、女兒、朋友。而喺照顧所有角色嘅同時，好容易慢慢忽略咗自己。但其實，有時候你想休息、想放空、想有人理解一下，並唔代表你脆弱。可能只係你已經努力生活咗好耐。

高功能焦慮

「所謂『高功能焦慮』，其實就係表面睇落好高效，好似咩都做得好好，但心入面一直繃緊，好似永遠都要打仗咁。你可能做事快又準，外人仲以為你好成功，但其實你自己知道，係逼自己不停做嘢，連休息都覺得有罪惡感，好似偷懶咁。呢種焦慮外界睇唔出，但你心入面一直喺消耗。要改善呢種狀態，可以試下幾樣嘢：第一，允許自己放鬆，提醒自己休息都係工作嘅一部分，唔係偷懶。第二，建立生活同工作嘅界線，唔好畀壓力無限延伸到生活入面。第三，學識自我肯定，唔好淨係用效率去衡量自己嘅價值。因為你本身嘅努力同存在，已經值得肯定。」

壓抑的壓力爆發
「其實『突然崩潰』好多時都唔係真係突然，而係長期壓力慢慢累積嘅結果。平時睇落好似冇乜事，生活照常、工作有序，但心入面一直壓住焦慮、不安同責任感，長時間都處於緊繃狀態。當有一件好細微嘅事發生——可能只係一句說話、一個小失誤，或者一個突如其來嘅變化——就好似一條拉得太緊嘅弦突然斷咗，情緒一下子爆發出嚟。所以呢種情況並唔係毫無徵兆嘅失控，而係壓力、焦慮同不安終於搵到出口。」

社會比較

「人其實好自然就會拿別人的進度同自己比，這是本能，大家都會咁做。尤其而家社交媒體咁盛行，我哋每天睇手機，睇到朋友嘅照片、成就或者生活片段，或者聚會聽到同齡人分享近況，通常都係最光鮮、最成功嗰一面。慢慢地，心入面就會冒出落差感，覺得自己好似唔夠好。呢種落差一直累積，就會變成自我懷疑和焦慮。社交比較就咁樣成為焦慮嘅來源，令人成日覺得自己追唔上人，忽略咗自己其實都有努力同進。」

未來焦慮

好多時候，焦慮係因為未來太不確定。一起身，腦袋就停唔到，開始諗工作、人生方向，好似唔做嘢就會不安。呢種焦慮會推住你不停去想、不停去做，用行動去填補嗰份空白。但長期咁樣，精神會慢慢被消耗，真係好攰。要應付呢種狀態，可以試下三個方法：第一，把焦慮變成計劃。好多擔心其實係因為問題太模糊，如果拆成一步一步，就會清楚好多。第二，定短期目標。唔需要一次解決所有問題，只要每日做少少，就已經係進步。第三，接受「不確定」本身，提醒自己有啲嘢係唔能控制，唔需要逼到自己完全掌握。」

#心理壓力  #焦慮症狀  #情緒管理  #自我察覺  #情緒支持 #壓力管理