小丘小休｜每日都未能真正地休息？辛苦了，呢一刻就讓我托住你吧 (撰文：Heal姑)
「每天被時間追趕，好像有做不完的事，常常覺得焦慮。家人在家裡也有很多負面情緒，讓我很難找到真正的休息。有陣時，會因為人定一句說話而諗好多，可能人地唔係咁諗。如何讓自己慢下來，不和別人比較？」- 葵花籽🌻投稿
Dear葵花籽🌻,
每日都有好多嘢做，好多思緒，卻每日每夜都未能真正地休息……
感覺就好似一直都係得返10%電量嘅電話咁🪫，勉強用到下WhatsApp，但就只有一條壞壞哋嘅充電線，有時充到少少電，有時就充唔到，
日復日好努力地支撐住日常，但就冇多餘嘅力去享受生活嘅美好。
我聽到嘅係好疲憊嘅你，但又好努力地過每一日嘅你。
想喺度同你講返聲「辛苦了，即使好累，你都願意起身；即使好累，你都努力去追趕；即使好累，你都願意花呢個時間講俾我聽。」
呢一刻，好想讓你暫時放低呢啲煩惱，就咁比我托住你、抱住你啊🫂。
你好努力，好想自己做好所有嘢，好想大家係享受同你相處嘅，好在乎身邊嘅人嘅睇法同感受，但咁你呢？你嘅感受都好重要啊🥲
「你，真係好重要❤️🩹」
想讓自己慢下來及不和別人比較，第一步，係去感受同擁抱呢個有壓力，同好在乎別人嘅睇法嘅自己：
- 可以問問自己呢一刻：我做呢啲事/ 咁樣諗嘅時候，我嘅身體有咩感覺？如果要用一個情緒字眼去形容，我當刻嘅感受係點樣嘅？有時原來單單係命名到個啱嘅字比嗰份感受，已經係治癒嘅一步。(推薦App：Smiling mind / 樂天心澄)
- 接納自己嘅脆弱，因為每個人都會有嘅。老套講句 ”It’s okay to be not okay” 我哋因爲工作很多而覺得焦慮，我哋因爲在乎別人看法而感到不安，其實係代表緊你對工作同人際關係嘅在乎同認真。情緒係冇錯，也是值得被接納嘅。(推薦App：I am)
- 但如果佢持續好耐令我地辛苦，我地就要學習管理佢，例如：製造一個比自己休息嘅空間 (推薦 @restingplace.hk / @secret_garden_2017)、定期花時間俾自己充電、同你信任嘅朋友傾訴、約見輔導員、梳理情緒、理解自己情緒背後嘅心路歷程🛣
Remember, you’re always imperfectly perfect and beloved❣️
謝謝你真摯嘅分享🫂
Love,
Heal姑❤️🩹
【作者簡介】
Heal姑為一位註冊精神科護士 (RN, Psy)，同時擁有兒童及青少年專科護士資格以及香港大學醫學院碩士學位。多年來，她一直在醫管局、社區和各大中小學中服務，願景希望每個孩子都能擁有快樂和充滿希望的童年，充分發揮他們獨特且無限的潛能
Follow Heal姑 Instagram (@healhealday_psynurse): https://www.instagram.com/healhealday_psynurse
留意我們的Instagram，參與下次投稿活動：https://www.instagram.com/gongsumsi