當孩子看到火災新聞後｜溫柔守護孩子的心 💛
最近的火災，令好多香港人都感到難過同不安。
孩子喺新聞、社交媒體中見到相關畫面後，可能會出現害怕、失眠、變得黏人、情緒波動等反應。其實，呢啲都係正常嘅心理反應。根據「創傷後心理支援（Psychological First Aid, PFA）」嘅原則，重點唔係「治療創傷」，而係喺第一時間幫助孩子回復安全感、平靜感同生活節奏。
幾個家長可以溫柔陪伴孩子的方法：
1）接納情緒，而唔係壓抑
孩子感到害怕、擔心、緊張，都係正常反應。
家長可以容許、接納孩子心入面嘅感受，
比起叫孩子「唔好驚」，被理解更能安定內心。
2）給孩子一個安全表達的空間
可以透過傾偈、畫畫、角色扮演，
讓孩子用自己嘅方式表達感受。
唔一定要講得好詳細，
最重要係讓孩子知道：「我講出嚟係安全的，有人聽。
3）減少重複接觸災難畫面
反覆觀看新聞或短片，會令孩子嘅大腦不停「重新受驚」。
建議適度減少相關資訊接收。
4）穩定的作息，就係最實在的安全感
固定睡覺、起床、用餐時間，
可以幫助孩子喺動盪嘅感覺中，
重新建立對生活嘅掌控感同安全感。
5）慢慢把焦點帶回生活
陪伴孩子重新投入遊戲、學習、運動同日常節奏，
幫大腦記住：世界唔止得災難畫面，仲有安全與快樂。
睡前安定小練習（3分鐘）｜幫助孩子放鬆入睡
家長可以陪同孩子一同進行：
1️⃣ 把手輕放在肚子上
慢慢吸氣 4 秒，慢慢呼氣 4 秒（重複 5 次）
2️⃣ 輕聲引導孩子由腳趾到頭頂放鬆身體
「腳仔慢慢放鬆……小腿放鬆……肚仔放鬆……肩膊放鬆……」
3️⃣ 請孩子想像一個「最安全、最舒服的地方」
家長可溫柔地說：「而家喺平靜安穩嘅時刻，可以慢慢放鬆同休息。」